每日一片：的士拒載實錄？　少女連環食檸檬

的士拒載問題又再引起爭議，而近日網上熱傳的另一條短片，亦顯示一名少女在下雨天，連續截了多輛的士，最後都失敗告終。對於少女慘「食檸檬」，網民紛紛猜測原因，有指是其路程不合司機「心水」而遭拒載，但亦有網民表示懷疑，「架架都唔載咁誇張？定係另有原因？」

短片由網民Patrick Luk上載到Facebook群組「小心駕駛(討論別人駕駛態度)」，片段顯示事發於本月1日晚上7時許。當時天下着微雨，拍片車輛的前後車cam均拍攝到一名少女截的士，她先後打開兩部的士的車門，稍作詢問之後，便關上了車門，未能成功登車。片主留言指，「其實少女出現時，已經拉第二架（車）門，我後面係第三架。」

網民對此議論紛紛，有人認為司機對路程不滿，所以拒載，「唔係個別例子，靚旗就接，唔靚就唔接」。不過有網民則懷疑少女另有要求，令司機拒載，「個個都唔上，唔通真係個個都唔載咩…」亦有網民教路，「如果係我就唔會問，上車閂門叫佢開車，咁就唔使畀人拒載。」

本文來源：http://hk.on.cc/hk/bkn/cnt/news/20170903/bkn-20170903153415463-0903_00822_001.html